Una: Return to list of posts

Hindi ko alam ang magiging entry sa blog na ito. Wala pa akong maisip. Yung sa mga nauna ko kasing blogs. May kanya kanyang tema, maliban dun sa friendster na anything goes at madaming echoserang nakikielam. Pero kunsabagay kaya nga ako nagpublish ng isang post ay dahil sa gusto mong mabasa ng mga mga interesado sa'yo yung mga bagay na nasaisip mo. Pero ang bano diba? Ay hindi magulo lang talaga ako.

Nakikinig ako ngayon sa Lying is the most fun a girl can have without taking your clothes off, wala lang nasabi ko lang, naaliw kasi ako sa kantang to, kaya naka repeat one sya sa windows media player ko. Ayos hindi ako nagsasawa, hindi katulad nung ibang mga kanta na isang beses ko lang mapakinggan eh sawa na agad ako. Sinearch ko din kanina yung meaning ng song at hindi ko na maalala kung ano yung meaning. Wala lang shinare ko lang talaga na ginagawa ko yung ganun.

Siguro masyado ng huli ang entry na ito dahil abril pa lamang ng taong ito, kasapi na ako sa multiply. Ang abnormalites ko talaga. Ang introduksyon na ito ay tungkol sa pangalan ko. Simulan natin sa kung sino ako. Ako si Nomar, kung babaliktarin mo ang pagbaybay sa mga letra nito eh magkakaron ka ng ramon, pero nagkakamali ka kung iniisip mong dyan nagmula ang pangngalan ko.Galing yan sa pangalan ng nanay at tatay ko, mahal kasi nila Ama at Ina ang kanilang mga pangalan kaya ginawa nilang hybrid ng pangngalan nila ang pangalan ng panganay sa tatlong anak nila.

Yung mga kaibigan ko nung highschool, ang tawag nila sakin eh noms, hindi ko alam kung san nila nakuha yun, pero siguro tinatamad lang silang banggitin yung huling syllable ng pangalan ko. Tapos sila Harry naman, ganun din ang tawag sakin. Hindi ko talaga alam, siguro tinatamad lang talaga silang banggitin yung ar. Pero bakit kapag reymar, o jomar hindi nila ginagawang rey na lang at jo, respectively, yung tawag nila sa mga taong yun. Ano kaya ang special sa pangalan ko at ginaganun nila. *sigh* Bahala sila sa mga buhay nila. :p

Nito namang huling semester ko sa unibersidad, nagpauso ako ng bagong nickname. At bumenta naman.*evil laugh* nakuha ko yung nickname na N dun sa Death Note. Isang anime yun, panoorin mo maganda yun. Haha! Naisipan ko lang bigalang magiba ng palayaw. Abnormal lang. Para may maiba lang. :) Naaaliw yung mga taong unang nakakakinig ng nickname na un, unique daw. Tapos may mystery daw sa kung anong tunay kong pangngalan. Aliw points para sakin. Actually I’m getting used to people calling me by that name. Nung una hindi ko alam sasabihin ko kapag tinawag nila ako sa ganung pangalan,hindi ko alam kung lilingon ako o hindi. Baka kasi hindi ako yung tinatawag yun, pero ngayon keri na naman.

Tintamad nanaman akong pumindot sa keyboard na to. Hindi ko alam kung bakit halos lagging ganito ang endings ng mga entries ko. Pero si Kenneth ang nakapansin nun. Ang jologs ng style ko ng pagpapaalam.

PALAGING MAGING MASAYA.

Let’s get these teen hearts beating
Faster, faster…
…will you dance to this beat
and hold a lover close